1 қыркүйекте METU-да «Бағдарламалық инженерия» кафедрасының 1 курс студенттерімен жалпы жиналыс өтті. Іс-шара жаңа оқу жылының маңызды бастамасы бола отырып, салтанатты және сонымен бірге жылы атмосферада өтті.

Бірінші курс студенттеріне университет ректоры Ақпанбетов Дархан Берікұлы құттықтау сөз сөйлеп, таңдаған мамандығының маңыздылығына тоқталып, студенттерге табандылық, білімге деген құштарлық, университеттің ғылыми және қоғамдық өміріне белсенді қатысу тіледі.

Кездесу аясында студенттер университеттің тарихы мен дәстүрімен, факультет құрылымымен және кафедра қызметімен танысты. Сондай-ақ эдвайзерлермен таныстыру ұйымдастырылды, олар студенттермен оқудың барлық кезеңінде бірге жүреді, оларға оқу және ұйымдастыру мәселелерінде көмектеседі.

Кафедра меңгерушісі мен оқытушылар ғылыми жобаларға, байқауларға және студенттердің бастамаларына қатысу мүмкіндіктері туралы егжей-тегжейлі айтып, университетте білім алу кәсіби және тұлғалық дамуға кең перспективалар ашатынын атап өтті.

Кездесу 1-курс студенттерінің таңдаған мамандығын игеріп, үлкен университет отбасына қосылуының алғашқы қадамы болды.