Салауатты өмір салтын берік  ұстанған ҚазИТУ студенттері мен оқытушыларының қатысуымен «Ұстаздар күні» мерекесі қарсаңында  шағын футболдан дәстүрлі турнир өтті. Турнирге университет және колледж студенттері мен оқытушыларынан құралған  6 команда қатысты. Тартысты өткен турнирді Жастар саясаты департаменті ұйымдастырып, ұтымды да ұтқыр ойын өрнегін көрсеткен командаларды марапаттады.

 Сонымен, ойын нәтижесі төмендегідей көрсеткіштерді көрсетті: жүлделі І орынды «ҚазИТУ оқытушылары»  командасы, команда капитаны Ибраев Қайрат Рамазанұлы - дене шынықтыру пәнінің оқытушысы, ІІ орынды «КДМ» командасы, команда капитаны «Автоматтандару және басқару» білім беру бағдарламасының 1-курс студенті Керей Жандарбек,  ІІІ орынды  ҚазИТУ колледжініңмқұрама командасы иеленді.  Сонымен қатар,  «Үздік ойыншы» Ибраев Қайрат Рамазанұлы атанса, жарыстың «Үздік қақпашысы» 1-курс студенті Базархан Қонысбек болды.

Турнир соңында жарыс жүлдегерлері мақтау қағазымен және кубокпен марапатталды.

Жеңімпаздарды құттықтап, жеңістің жалауын желбірете берулерін тілейміз!