Қазақстан инженерлік-технологиялық университетінде оқытушы-профессорлық құрамы мен студенттердің қатысуымен Оңтүстік-Шығыс Азиядағы маркетинг және бизнесті дамыту жөніндегі ТОО "Clockster" директоры Байтулаков Ануар Сериковичпен семинар өтті.

Семинар тақырыбы: «Университеттердегі бизнес-инкубаторды құру және оның негізгі қызметтері». Семниардың спикері Байтулаков Әнуар Серікұлы ҚазИТУ университетінде жаңа бизнес-инкубатордың дамуына керекті ақыл-кеңестерімен және тәжірибесімен бөлісті.

Семинарда қозғалған өзекті мәселелер:

1) Жоғарғы оқу орындарында бизнес-инкубаторлардың санын көбейту.
2) Студенттердің тың, креативті бизнес жобаларын талқылау және іске асыру.
3) Студенттердің жан-жақты бизнес саласын меңгеріп, мақсаттарын креативті түрде жүзеге асырып, үлкен жетістіктерге жету жолында бағыт-бағдар беру болды.
Әнуар Серікұлы студенттік бизнес-инкубатордың негізгі міндеті авторлары студенттер, магистранттар, сондай-ақ жас ғалымдар мен жоғары оқу орнының мамандары болып табылатын инновациялық және кәсіпкерлік идеяларды (дайындау, буып-түю және ілгерілету кезеңдерін қоса алғанда) коммерцияландыру процесін ұйымдастыру болып табылатынын атап өтті. Студенттік бизнес-инкубаторларды құру классикалық университетті кәсіпкерлікке айналдырудың қажетті және заңды нәтижесі, сондай-ақ идеяны іс жүзінде іске асырудың нәтижесі, яғни "білім үшбұрышы" негізінде жүзеге асады.
Жалпы, Бизнес-инкубатор акселератор қағидаты бойынша жұмыс істейді-бизнесті ерте сатыда қолдау моделі жобаны қысқа мерзімде қарқынды дамытуды көздейді.
Қазіргі уақытта ҚазИТУ университетінде "Жас кәсіпкер"Бизнес-инкубаторын ашудың алдын ала шарттары басталды. Аталған семинар алдағы жоспарларға жаңа серпін беріп, жас кәсіпкерлер мен барлық ниет білдірушілер үшін өз идеялары мен бастамаларын жүзеге асыру үшін пайдалы ақпараттармен толықты.