18 наурызда «Алматы Арена» алаңында  «Жаңа Қазақстан. Күшіміз бірлікте» атты жастар фестивалі өтті. Алматы қаласы  бойынша ЖОО-дан  он бес мың студент қатысқан шара,  Мемлекет басшысының халыққа Жолдауында жарияланған саяси реформалар бағдарламасын қолдау мақсатында ұйымдастырылды.

       Аталмыш іс-шараға ҚазИТУ-дан 400 студент қатысты.Сондай-ақ жастар қозғалысының белсенділері – өнер қайраткерлері, спортшылар, қоғамдық ұйымдар өкілдері, жас кәсіпкерлер де шараға ат салысты.

      Қазақстан Президенті Қасым-Жомарт Тоқаев өзінің «Жаңа Қазақстан: жаңару мен жаңғыру жолы» Жолдауында: «Біз адамдардың энергиясына, таланты мен еңбекқорлығына арқа сүйейміз. Әрбір азаматтың өзін-өзі жүзеге асыруы үшін барынша қолайлы жағдай жасаймыз. Тек осылай ғана біз халқымыздың жасампаздық әлеуетін арттыра аламыз» деп атап өтті.