Сыбайлас жемқорлық қазіргі қоғамның өзекті мәселесіне айналып отыр. Біздің елімізде бұл мәселеге қарсы күрес шаралары тәуелсіздік алған сәттен бастап мемлекеттің ең бірінші кезектегі міндетіне айналған. Елбасының 2018 жылға 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауында және сыбайлас жемқорлыққа қарсы стратегияны іске асыру мақсатында құрылған «Алматы-адалдық алаңы» жобасы аясында Қазақстан инженерлік-технологиялық университетінде «Сыбайлас жемқорлыққа қарсы іс-қимылдағы мемлекеттік саясатты іске асырудағы жастардың рөлі» атты біріңғай сағаты өтті. Мақсат: студенттердің сыбайлас-жемқорлыққа қарсы көзқарасын қалыптастыру, сыбайлас жемқорлықтың алдын алу және оған жол бермеу тетіктерін кеңінен насихаттау.

Жиында университеттің оқу ісі жөніндегі проректоры Д.Б.Ақпанбетов модератор болып, әлеуметтік - гуманитарлық пәндер кафедрасының оқытушысы А.Нұртазаева баяндама жасады. Оқытушылар мен студенттер өз ой- пікірлерімен бөлісті.

Студенттердің аталған іс-шарадан түйген ойлары өмірдегі сыбайлас-жемқорлықтың кез-келген құбылысына қарсы тұруға көмектесері анық. Біздің ортада сыбайлас жемқорлыққа орын жоқ!