Ақпан айының 16 жұлдызында «English club» үйірмесі жетекшілерінің ұйымдастыруымен Шекспирдің «Ромео және Джульетта» пъесасы бойынша университет студенттерінің қатысуымен қойылым көрсетілді. Негізгі мақсаты студенттер арасында ағылшын тілін жетік меңгеру үшін бағыт-бағдар беру.

Елбасымыз Н.Ә.Назарбаев өз Жолдауында көрсеткендей төртінші басымдық - адами капитал сапасын жақсарту жөнінде, яғни білім беру жүйесінің рөлі өзгеруге, соның ішінде ағылшын тілін меңгеруді атап өткен.

Іс-шара барысында студенттердің білім дағдысын арттыруда қазақ халқының салт-дәстүрлеріне байланысты сұрақтар қойылды. Қойылым арқылы білім алушылардың кәсіби шеберліктері байқалды. Студенттердің ағылшын тіліне деген қызығушылықтары артып, әр түрлі ойындарға қатысып белсенділіктерін көрсетті.