ҚазИТУ колледжінде Қазақстан Республикасы Тәуелсіздігінің 30 жылдығына орай, «Жаратылыстану-ғылыми пәндер» пәндік циклдық комиссиясының ұйымдастыруымен география пәнінен студенттер арасында «Географиялық алаң» атты интеллектуалдық ойыны өтті.
Интеллектуалдық ойынның мақсаты: студенттердің дүниетанымын кеңейту, жаңаны білуге қызықтыру, картамен жұмыс жасай білу дағдыларын қалыптастыру, тез ойлана білуге үйрету және географиядан алған білімдерін ортаға салу.
Ойын 3 кезеңнен тұрды:
І кезең. Сұрақ-жауап
ІІ кезең. «Географиялық ассоциация»
ІІІ кезең. «Интеллектуалды жекпе-жек»
Қатысушы топтардың жүлделі орындарын тағайындауда кезеңдер бойынша жинаған балдарына қарай I орынға «Стандарттау, метрология және сертификаттау» мамандығының студенттері ие болса, II орынға «Туризм» мамандығының студенттері, III орынға «Радиоэлектроника және байланыс»,
ақылы қазақ бөлімі мамандығының студенттері ие болды.
Қатысушы топ студенттерін құттықтаймыз!