20 ақпанда Алматы қаласы бойынша «Бірінші болу – батылдық» корпоративтік қорының ұйымдастыруымен , «Winter Run» қысқы жүгіру марафоны өтті. Қысқы суыққа қарамастан, аталмыш марафонда 10 - 80 жас аралығындағы кәсіби спортшылар мен еріктілер бақтарын сынап, белсенділік танытты. Денсаулықты сақтауға және нығайтуға бағытталған шараға Қазақстан инженерлік-технологиялық университетінің оқытушылары мен студенттері қатысып, қолдау білдірді. Керемет көңіл-күй мен қызыққа толы өткен сайыс, қатысушыларға ұмытылмас әсер қалдырды. Қазақстан инженерлік-технологиялық университеті салауатты өмір салтын қалыптастыру негіздерін алға қоя отырып, аталмыш марафонды университет қабырғасында өткізуді де жоспарға енгізді.