2024 жылдың 11 желтоқсанында Халықаралық инженерлік-технологиялық университетінде (МИТУ) «Жаһандану жағдайында білім беру бағдарламаларының сапасының индикаторы ретінде жұмыс берушінің кәсіби дайындықтағы рөлін арттыру» тақырыбында форум өтті.

Іс-шараға Түркия, Қытай, Корея, Ресей және Қырғызстаннан келген бизнес және жоғары оқу орындарының өкілдері қатысты. МИТУ ректоры Г.А. Сарсенбекова еңбек нарығында сұранысқа ие мамандарды даярлау үшін білім, ғылым және бизнестің интеграциясының маңыздылығын атап өтті.

Форум бағдарламасы сарапшылардың баяндамаларын, инновациялық тәсілдерді талқылауды және жетекші компаниялармен ынтымақтастық туралы келісімдерге қол қоюды қамтыды. Сонымен қатар, бағдарламалық инженерия, биохимия және смарт-технологиялар саласында заманауи зертханалардың ашылуы өтті.

Пленарлық отырыс
Форумның бірінші бөлімі негізгі спикерлердің баяндамаларына арналды. Олар өз тәжірибелерімен және көзқарастарымен бөлісті:

·        Білім беруді реформалау және біліктілікті арттырудағы көшбасшылық: инновациялық тәжірибелер мен білім беру тұжырымдамалары.
Huatec Information Technology Co., Ltd. компаниясының (Пекин, Қытай) халықаралық білім беру жоспарлау директоры Тони Сан білім берудегі инновациялық тәсілдер туралы айтты.

·        Еңбек нарығын қазіргі заманғы сын-тегеуріндерге бейімдеуде шағын және орта бизнестің рөлі.
«Атамекен» ҰКП шағын кәсіпкерлікті дамыту және халықаралық ынтымақтастық жөніндегі директорының м.а. Жанар Туребекова университеттер мен бизнес арасындағы белсенді ынтымақтастықтың маңыздылығын атап өтті.

·        ҚР университеттерінде IT-мамандықтар бойынша өндірістік-практикалық базаны дамыту.
«Академсеть» ЖШС бас директоры Тахир Такабаев бұл саладағы табысты тәжірибелерді ұсынды.

·        Білім, ғылым және өнеркәсіп интеграциясының көпірі ретінде университет.
Түркияның Испарта қаласындағы Сүлейман Демирель университетінің сыртқы байланыстар департаментінің басшысы доктор Ибрагим Кубилай университеттердің әртүрлі салаларды біріктірудегі маңыздылығын атап өтті.

·        Қазақстанның өңдеу өнеркәсібі үшін экожүйе құру және цифрлық индустрияны дамыту.
Global Korea Center орталығының директоры Хан Джин Сон озық технологияларды енгізу үшін МИТУ-мен стратегиялық серіктестік туралы айтты.

·        МИТУ студенттерін кәсіби даярлауда ACCA стандарттарына сәйкес біліктілік пен құзыреттілік тәсіл.
Қазақстан мен Орталық Азиядағы ACCA өкілдігінің басшысы Жанна Искенова МИТУ студенттерінің кәсіби даярлығының халықаралық ACCA стандарттарына сәйкестігі туралы баяндама жасады.

Форум жаһандық нарықтың талаптарына жауап беретін мықты білім беру экожүйесін құруға жасалған қадам болды.