03 Шілде 2025 56
Қош бол, студенттік өмір! Сәлем, жаңа белес!
Халықаралық инженерлік-технологиялық университетінде ерекше әрі толқынысқа толы күн өтті – университеттің түлектеріне арналған салтанатты диплом тапсыру рәсімі ұйымдастырылды.
Іс-шара салтанат залында өтті. Кештің атмосферасы шын мәнінде әсерлі болды – жанды музыка, студенттердің вальсі, қуаныш пен жылы лебізге толы жүздер, ерекше сәттер кешке сән берді.
Бұл тек диплом алу рәсімі ғана емес, үлкен өмірге жасалған алғашқы қадам, жарқын болашаққа жолдама іспетті.
Салтанатты кеш барысында университет басшылығы, ұстаздар және ата-аналар түлектерге ақ жол тілеп, жүрекжарды тілектерін арнады.
Кеш бойы өткен әсем фотосессиялар мен әсерлі естеліктер студенттердің жүрегінде мәңгі сақталар естен кетпес сәттерге айналды.
МИТУ ұжымы барша түлектерді шын жүректен құттықтайды!
Сіздердің әрбір жетістігіңіз – біздің ортақ мақтанышымыз!