15 қарашада Халықаралық инженерлік технологиялық университеті мен Түркия Республикасы Алания Алааддин Кейкубат Университеті өзара ынтымақтастық туралы меморандумға қол қойды. Келісімшарттың негізгі мақсаты білім беру, ғылыми-техникалық және инновациялық қызмет салаларындағы ынтымақтастық, университеттер арасындағы серіктестік жүйесін дамытуды қамтамасыз ету, ғылыми орталықтар, зертханалар негізінде бірлескен жобалар аясында ғылыми-зерттеу жұмыстарын жүргізу, бірлескен қос дипломдық білім беру, кәсіптік білім беру, жоғары білікті кадрларды даярлау, идеялармен, ақпаратпен және технологиялармен алмасу, сондай-ақ бірлескен тәжірибелік жұмыстарды ұйымдастыру болып табылады.  Меморандумды Алания Алааддин Кейкубат Университетінде Халықаралық қатынастар Офисінің Бас үйлестірушісі, Қауымдастырылған профессор, Доктор Мұстафа Кочанжи мырза,  Халықаралық инженерлік -технологиялық университетінің атынан арнайы өкіл ретінде «Экономика және бизнес» кафедрасының лекторы Әбдіразақов Нұржан Мұхтарұлына табыстады.

Осы меморандум арқылы Халықаралық инженерлік-технологиялық  университеті тарапынан интернационалдандыру жолында тағы бір қадам жасалды.