2023 жылғы 14 қыркүйекте «Сыбайлас жемқорлыққа қарсы мәдениет негіздері» пәні аясында Әлеуметтік-гуманитарлық пәндер және әлем тілдері кафедрасы мен академиялық мәселелер жөніндегі департаментімен бірлесіп Алматы қаласы Медеу ауданының сот төрайымымен кездесу ұйымдастырды. Кездесуге сот төрайымы Куйкабаева Динара Бекенқызы, университет студенттері мен профессорлық оқытушылар құрамы қатысты.

Сот жүйесі сыбайлас жемқорлыққа қарсы күресте маңызды рөл атқарады, өйткені сот азаматтардың өміріне елеулі әсер етуі мүмкін шешімдер қабылдайды. Олар сыртқы қысымдарға немесе азғыруларға қарамастан бейтарап және әділ әрекет етуі керек. Соттардағы сыбайлас жемқорлыққа қарсы мәдениет сыбайлас жемқорлықтың алдын алуға және сот процестерінде ашықтық пен адалдықты қамтамасыз етуге бағытталған нормалар мен құндылықтарды қамтиды.

Кездесу барысында қатысушылар білім беру саласындағы сыбайлас жемқорлыққа қарсы іс-қимыл мәселелерін талқылады. Оқытушылар мен студенттердің қоғамда сыбайлас жемқорлыққа қарсы сананы қалыптастыруға қатысуының маңыздылығы атап өтілді.

Студенттердің сот төрайымымен кездесуі сыбайлас жемқорлыққа қарсы мәдениетті қалыптастыруда маңызды рөл атқарады.

Сыбайлас жемқорлыққа қарсы мәдениет — бұл ережелер мен нормалардың жиынтығы ғана емес, сонымен қатар біздің күнделікті өміріміздің бір бөлігі және әрқайсымыз сыбайлас жемқорлық орын алмайтын әділетті қоғам құруға өз үлесімізді қоса аламыз.