29 қыркүйек күні Халықаралық инженерлік-технологиялық университетінде «Халықаралық туризм күніне» орай «Экономика және бизнес» кафедрасының «Туризм» білім беру бағдарламасы бойынша білім алып жатқан студенттердің ұйымдастыруымен мерекелік іс-шара өтті.
Аталған іс-шараға «Kazakh Tourism» ҰК» АҚ Директорлар кеңесінің тәуелсіз директоры, қазақстандық туристік қауымдастықтың төрағасы, қазақстандық қонақ үйлер мен мейрамханалар қауымдастығының президенті Шайкенова Рашида Рашидқызы және Халықаралық инженерлік-технологиялық университетінің Стратегиялық даму, ғылым және халықаралық байланыстар жөніндегі проректоры Каруна Оксана Леонидовна қатысып, жылы лебіздерін білдірді.
Қазақстандық туристік қауымдастықтың төрағасы Рашида Шайкенова туризм саласын дамыту, осы саладағы мамандықтың қыр-сыры туралы баяндап, туризм саласының болашақ мамандарына тәжірибе-кеңестерін жеткізді. Еліміздің туризм саласын дамыту маңызды бағыттардың бірі екенін атап өтті.