Қазіргі қоғам дін мен мемлекеттің аражігін ажыратуға, діни бостандық пен заң алдындағы теңдікке байланысты түрлі мәселелермен бетпе-бет келіп отыр. Конституциялық құрылыстағы қағида ретінде зайырлылықтың маңыздылығын бағаламауға болмайды. Осы тақырыпты насихаттау және студенттерге зайырлылықтың маңыздылығын түсіндіру мақсатында университетімізде 27-ші қазан күні студенттермен кездесу өтті. Кездесу қонақтары Алматы қаласы Дін істері комитетінің “діни экстремизм және терроризм алдын  алу” бойынша ақпараттық түсіндіру тобының мүшесі, Абай атындағы қазақ ұлттық педагогикалық университетінің Саясаттану және әлеуметтік-философия пәндер кафедрасының оқытушысы Орынбеков Нұрлан Аманғазыұлы және Абай атындағы Қазақ ұлттық педагогикалық университеті, "Ұлттық тәрбие" орталығының жетекшісі, заңгер, дінтану мамандығы бойынша философия докторы PhD Сапаров Бахытжан Жолдыбайулы.

«Зайырлылық конституциялық құрылыстың негізі ретінде» тақырыбында студенттермен кездесу сәтті өтті және студенттерге осы маңызды қағиданы тереңірек түсінуге мүмкіндік берді. Ол сондай-ақ күрделі конституциялық мәселелер туралы білім беру мен хабардар етудің маңызды бөлігі болып табылатын диалог пен пікірталасқа түрткі болды.

Әртүрлі елдердегі азаматтардың құқықтары мен бостандықтары туралы пікірталастарда зайырлылық өзекті және маңызды тақырып болып қала береді және мұндай кездесулер болашақ көшбасшылар мен азаматтардың осы тақырыпты тереңірек түсінуіне ықпал етеді.