2024 жылдың 18 сәуірде Халықаралық инженерлік-технологиялық университет базасында "Бухгалтерлік есеп" пәні бойынша жоғары оқу орындарының студенттері арасында Халықаралық пәндік студенттік Олимпиада  өтті.

Олимпиаданың мақсаты - білім алушылардың ғылыми-білім беру қызметіне қызығушылығын дамыту, білім алушылардың зияткерлік әлеуетін қалыптастыруға жәрдемдесу.

Мұндай олимпиадалар білім алушылардың шығармашылық қабілеттерін дамытуға, білім алушыларды заманауи ғылыми міндеттерді шешуге тартуға, жастардың инновациялық әлеуетін іске асыруға жағдай жасауға, жоғары оқу орындарының білім алушылары арасындағы коммуникацияларды дамытуға ықпал етеді.

Нәтижелерді бағалау кезінде комиссия ұсынылған эссенің жобалық шығармашылығы; бухгалтерлік есеп теориясы мен практикасында эссе идеясын жүзеге асыру мүмкіндігі; тапқырлық және сұрақтарға жауап беру қабілеті сияқты критерийлерді басшылыққа алды.

Олимпиада екі кезеңде өтті: бірінші кезең - практикалық бөлім (тест тапсырмаларын шешу); екінші кезең - эссе қорғау.  Бірінші тур бухгалтерлік есеп теориясы мен практикасы мәселелері бойынша тест тапсырмаларын шешу түрінде өтті. Екінші турда қатысушылар тобы (команда) ұсынылған тақырыптардың біріне дайындалған эссені қорғады.

Халықаралық инженерлік-технологиялық университет базасында олимпиаданы ұйымдастыру және өткізу жақсы дәстүрге айналды және "бухгалтерлік есеп және аудит"мамандығы бойынша оқитын студенттердің академиялық және зияткерлік дамуының маңызды факторы болып табылады.

Олимпидаға Қазақстадық жоғары оқу орындары студенттерімен қатар көршілес мемлекеттенде қатысты.

Талқылау нәтижелері бойынша комиссия мүшелері келесі жеңімпаздарды анықтады:

I-дәрежелі Диплом

 «Alfa» командасы, Каспийский Общественный Университет.

II дәрежелі Диплом

 «Одна секунда» командасы, Халықаралық инженерлік-технологиялық университеті;

«Бишкек» командасы, Қырғыз ұлттық аграрлық университеті. К. И. Скрябина.

III дәрежелі Диплом

 «Максимум» командасы, Батыс Қазақстан инновациялық-технологиялық университеті;

«КИнЭУ KST» командасы, Қостанай инженерлік-экономикалық университеті. М. Дулатова;

«Эрудит» командасы, Қ.Жұбанов атындағы Ақтөбе өңірлік Университет.

ҚҰТТЫҚТАЙМЫЗ!