2023 жылдың 1 қарашасында «Әлеуметтік-гуманитарлық пәндер және әлем тілдері» кафедрасының доценті, қауымдастырылған профессор Цыренжапова Г.Г. «Электр энергетикасындағы ақпараттық технологиялар» білім беру бағдарламасының 1 курс студенттеріне «Ішкі және сыртқы қолдануға арналған ресми құжаттама» тақырыбында ашық сабақ өткізді. Сабақ барысында, студенттерге тақырыпқа қатысты терминдер, анықтамалар таныстырылып, әрі қарай ресми құжаттаманың негізгі түрлері, тілдік құралдарға қойылатын талаптар және оларды көрсету стилі, сондай-ақ «Қазақстан Республикасының мемлекеттік және мемлекеттік емес ұйымдарында құжат айналымының үлгілік ережелері», оны білудің болашақ кәсіби қызметтегі қажеттілігі мен маңыздылығы қарастырылды. Студенттер өздері дайындаған презентацияларында ресми құжаттаманың түрлері, мақсаты мен мазмұны, ортақ белгілері мен айырмашылықтары туралы түсініктерін көрсетті. Студенттердің ресми құжаттаманы жазу бойынша практикалық дағдылары жазбаша тапсырмалармен бекітілді: іскерлік хат, түсініктеме, өтініш, грамматикалық қателері бар құжаттардың мәтіндерін өңдеу және т.б. Мұғалімнің проблемалық сұрақтар қоюы, студенттердің жауаптары мен тұжырымдары, презентацияларды дайындауға шығармашылық көзқарасы сабақтың жоғары ғылыми-әдістемелік деңгейде қызықты өтуіне ықпал етті.