MITU Ғылыми кітапханасында Ұстаздар мерекесіне орай Экономика ғылымдарының кандидаты, Қауымдастырылған профессор Тлеужанова Манатжан Әшімқұлқызымен кездесу кеші ұйымдастырылды. Кездесу барысында ұстаз жастарды өз мақсаттарына жету жолында ынталандырып, әрбір жетістік үшін еңбек ету қажеттілігін атап өтті. Сонымен қатар, жастардың бойында өз-өзіне сенімділікті, жауапкершілікті дамыту қажеттігіне тоқталды. Студенттермен өмірлік тәжірибесін бөлісіп, мотивация беру үшін қызықты өмірлік мысалдар келтірді. Кеш соңында студенттер өз ойларын ортаға салып, сұрақтар қойып, белсенді қатысып, кездесудің өте пайдалы өткенін атап өтті. Мұндай шаралардың жастардың дамуына, білімге деген құштарлығын арттыруға үлкен үлес қосатыны сөзсіз.