2024 жылдың 15 қазан күні «Әлеуметтік-гуманитарлық пәндер және әлем тілдері» кафедрасының қауымдастырылған профессоры Ахметжанова А.Т. және Тур-24-1р мамандығының 1 курс студенттері Кожамжарова А. мен Шанчарбаев А. «Ресей империясының ұлттық аймақтарындағы уездік басқару: ұйымдастыру принциптері мен қызмет ету механизмдері (XIX ғ. екінші жартысы - ХХ ғ. басы)» атты Халықаралық ғылыми-тәжірибелік конференцияға қатысты. Конференцияны Ш.Ш.Уәлиханов атындағы Тарих және этнология институты өткізді. Конференцияда Ресей империясының ұлттық аймақтарындағы самодержавиенің саясатын жүзеге асырудағы уездік әкімшіліктің қызметіне қатысты көптеген мәселелер, оның зардаптары талқыланды. Қатысушылар конференцияға дайындаған презентация материалдарымен таныстырып, сертификаттарға ие болды.