«Инженериядағы смарт технологиялар» кафедрасының студенті Берік Елдар Work and Travel халықаралық бағдарламасына қатысуды сәтті аяқтады. Үш айлық жұмыс пен саяхат барысында ол тек тілдік дағдыларын жетілдіріп қана қоймай, заманауи технологиялар саласында құнды тәжірибе жинақтады. Бағдарлама оған смарт технологиялар мен автоматизация саласындағы компанияда жұмыс істеуге мүмкіндік беріп, білімін және дағдыларын тереңдетуге ықпал етті. Сонымен қатар, қатысушы шетелдік әріптестерімен танысып, смарт жүйелерді жобалаудағы жаңа тәсілдерді үйреніп, шетелде жобалардың қалай жүзеге асырылатынын көрді. Енді ол алған білімін оқу және ғылыми жобаларда қолдануға дайын және басқаларды жаңа жетістіктерге ұмтылуға шабыттандыруға ниетті!