Студенттердің ғылыми-зерттеу жұмысы — мамандарды даярлау сапасын арттырудың маңызды шарттарының бірі, сондай-ақ оқу-зерттеу парадигмасының жүзеге асырылуының негізі болып табылады.

Академиялық жазу клубында (ғылыми жетекші Цыренжапова Г.Г.) студенттер өз мамандықтарына қатысты Қазақстан мен Ресейдің ғылыми басылымдарында жарияланған ғылыми мақалалармен танысады. Ғылыми мәтіннің құрылымдық-семантикалық бөлінісі, оған әртүрлі жоспар түрлерін құру, тезис пен оның дәлелдеу әдістерін анықтау автордың ғылыми ой-тұжырымының логикасын түсініп, бақылауға мүмкіндік береді.

Осындай жұмыстың алғашқы тәжірибесі студенттердің болашақта маңызды ақпаратты таба білуге, өз саласындағы өзекті мәселелер мен оларды шешу жолдарына бағдарлануға, сондай-ақ академиялық сауатты жазу қағидаларын меңгеруге үйренетініне сенім ұялатады.