18 қараша күні «Бақшасарай» салтанат үйінде бірінші курс студенттерін арнау рәсімі өтті. "Алматы НАН" ЖШС және "Line brew bottlers" ЖШС мереке кезінде "6В07203 – Тағам өнімдерін өндіру технологиялары және инжиниринг" білім беру бағдарламасының ерекшеленген 3 курс студенттеріне атаулы стипендиялар ұсынды. Іс-шараға университеттің оқытушылары, ректоры, проректорлары және университеттің құрылтайшысы Бақытжан Тұрсынұлы Жұмағұлов қатысты. Бұл маңызды күн студенттердің білім мен кәсіби өміріндегі алғашқы қадамы болды. Осы күн жаңа білімдерге, үлкен жетістіктерге және жарқын жаңалықтарға толы жолдың бастауы болсын! Бірінші курс студенттеріне өзіне деген сенімділік, табандылық және таңдаған жолында үлкен жетістіктер тілейміз!