Біздің университетте жылдан жылға студенттердің бойында құндылық бағдарларын, адамгершілік, эстетикалық мәдениетін дамыту бойынша дәйекті тәрбие жұмысы жүргізілуде. Республикалық мұражайларға, театрлар мен кинотеатрларға бару дәстүрге айналды.

2024 жылдың 12 қарашасында «Тағам өндірісінің техникасы және технологиясы» кафедрасының профессорлық-оқытушылық құрамы мен студенттері Ғабит Мүсірепов атындағы балалар мен жасөспірімдер театрында болды. Театрға бару аясында кафедраның профессорлық-оқытушылар құрамы мен студенттері Ш. Айтматовтың «Қызыл ормалды шынарым» шығармасының негізінде белгілі режиссер Талғат Теменовтың спектаклін тамашалады. Қойылған спектакльде кейіпкердің моральдық қателіктері салдарынан жоғалған махаббат туралы айтылды. Көрермендер басты кейіпкерлер Ілияс пен Әселге жанашырлықпен қарады.

Студенттер мен оқытушылар қаралған спектакльден үлкен эстетикалық қанағат алды және театрларға үнемі барып, актерлердің шығармашылығымен танысуға ниет білдірді.