Университетіміздің ректоры Сәрсенбекова Гүлнар Әлібекқызы университетіміздің белсенді студенттерімен кезекті жиналысын өткізді. Жиналыс барысында ректор студенттердің оқу үлгерімі мен әлеуметтік белсенділігін арттыру, сондай-ақ университеттің ішкі өмірін жақсарту бағытындағы бірқатар мәселелерді талқылады. Гүлнар Әлібекқызы студенттерді университеттің дамуына үлес қосып, жаңа бастамаларды жүзеге асыруда белсенді болуға шақырды. Ол студенттердің шығармашылық жобаларын қолдау, академиялық жауапкершілікті арттыру және жастардың әлеуметтік мәселелеріне назар аудару қажеттігін атап өтті.Жиналыс кезінде студенттер өз ұсыныстары мен идеяларын ортаға салып, университет өміріне қатысты пікірлерін білдірді. Қатысушылар арасында түрлі клубтар мен ұйымдардың жұмысын жандандыру, мәдени және спорттық шаралар өткізу бойынша ұсыныстар талқыланды. Сонымен қатар, Гүлнар Әлібекқызы университеттің студенттермен тығыз байланыс орнатып, олардың пікірлерін ескеру арқылы оқу процесін тиімді ұйымдастыруға мүдделі екенін айтты. Шара соңында ректор студенттерге өз істеріне жауапкершілікпен қарап, университеттің қоғамдық өміріне белсенді қатысуға шақырды, ал университет тарапынан студенттердің бастамаларын қолдауға дайын екенін жеткізді.