2024 жылдың 29 қарашасында ХИТУ-да Оңтүстік Кореяның Global Korea Center орталығының делегациясымен кездесу өтті. Делегацияны орталық директоры Хон Джин Сон (Hong Jinsung) мырза басқарды. Университетке оның серіктестерімен бірге Кореяның жетекші компанияларының өкілдері келді.

Кездесудің негізгі мақсаты – білім беру саласындағы ұзақ мерзімді ынтымақтастықтың перспективаларын талқылау. Кездесу барысында келесі маңызды мәселелер көтерілді:

• студенттермен алмасу бағдарламалары;
• оқытушылар құрамының біліктілігін арттыру;
• бірлескен бизнес-жобаларды іске асыру.

Global Korea Center – бұл білім беру бастамаларын жүзеге асыру және инновацияларды ілгерілету мақсатында Оңтүстік Корея университеттерін халықаралық серіктестермен біріктіретін бизнес-құрылым. Орталықтың негізгі қызмет бағыттары робототехника, дрондар, смарт-технологиялар және ақпараттық технологияларды қамтиды.

Біз ынтымақтастықтың ықтимал форматтарын талқылау, идеялармен алмасу және серіктестік жобаларды дамытуға өз үлестерін қосу үшін барлық қызығушылық танытқан тараптарды осындай кездесулерге қатысуға шақырамыз.

Бұл кездесу халықаралық өзара әрекеттестікті нығайтудағы маңызды қадамға айналып, білім беру және ғылыми бастамалар үшін жаңа мүмкіндіктер ашады.