2024 жылғы 21 қарашада МИТУ оқытушылары мен студенттерімен Н.И. Вавилов атындағы Ресейдің Саратов мемлекеттік генетика, биотехнология және инженерия университетінің шетел тілдері және сөйлеу мәдениеті кафедрасының меңгерушісі, қауымдастырылған профессор Элина Борисовна Калиниченкомен онлайн-кездесу өтті.

Кездесу барысында профессор «Шет тілдерін оқытудағы жобалық қызмет. Мотивация. Басқару күші» тақырыбында ағылшын және орыс тілдерінде дәріс оқыды. Дәрісте шет тілдерін оқытудың заманауи даму трендтері талқыланды. Сонымен қатар, профессор МИТУ зерттеушілерімен өз ғылыми қызығушылықтарымен бөлісті. Презентация бірінші курс студенттері арасында үлкен қызығушылық тудырды, олар тілдерді оқытудың өзекті мәселелері туралы сұрақтар қойып, профессор студенттердің сұрақтарына егжей-тегжейлі жауап берді.

Профессор Н.И. Вавилов атындағы Саратов мемлекеттік генетика, биотехнология және инженерия университетінің серіктес университеттермен халықаралық ынтымақтастықты жоспарлы түрде кеңейту, сондай-ақ бүкіл әлем бойынша зерттеу және білім беру желілеріне интеграциялау бойынша тәжірибесімен бөлісті.

Онлайн қонақ дәрістің соңында «Әлеуметтік-гуманитарлық пәндер және әлем тілдері» кафедрасының ұжымы мен МИТУ студенттері Э.Б. Калиниченкоға алған ақпараттары үшін алғыс айтып, қызықтыратын сұрақтарды талқылады.