METU университетінің ректоры Сәрсенбекова Гүлнәр Әлібекқызы университет жастар ұйымы комитетінің белсенділерімен дәстүрлі кездесуде бас қосты. Кездесу мақсаты студенттерді университеттегі білім жүйесі және жастардың ізденістері мен шығармашылығын дамыту бағытындағы жоспарларды талқылау болды. Студенттік актив өздерінің волонтерлік,  интеллектуалдық клуб, спорттық секциялар және басқа да бағыттар бойынша белсенді жұмыстарын таныстырды.  Кездесу соңында Гүлнәр Әлібекқызы өз сөзінде: «Менің есігім әрқашан сіздерге ашық, мен сіздердің идеяларыңызды жүзеге асыруға көмектесуге, сіздерге қолдау көрсетуге және көмектесуге дайынмын» , – деп атап өтті.