Халықаралық инженерлік-технологиялық университетінің "Бағдарламалық инженерия" кафедрасының оқытушылары мектеп оқушыларын университетке тартуға бағытталған кәсіби бағдар беру жұмыстарымен белсенді айналысуда. Осы бастама аясында кафедра қызметкерлері қала мектептеріне барып, оқушыларды университет ұсынатын мүмкіндіктермен және "Бағдарламалық инженерия" мамандығын таңдаудың артықшылықтарымен таныстыруда.

Кездесулер барысында оқушыларға оқу бағдарламалары, студенттер үшін халықаралық байқауларға, тағылымдамаларға және ғылыми жобаларға қатысу сияқты ерекше мүмкіндіктер туралы айтылады. Оқытушылар заманауи цифрлық технологиялардың әлемді қалай өзгертетінін және IT саласында сұранысқа ие маман болу үшін қандай білім қажет екенін түсіндіреді. Сонымен қатар, оқушылар МИТУ-ға қалай түсуге болатыны туралы сұрақтар қойып, көбірек біле алады.