Халықаралық инженерлік-технологиялық университетінде «Инженерлік білім беру сапасын арттыру контекстіндегі оқыту модельдері мен әдістері» қысқы мектеп-2025 аясындағы оқу-әдістемелік конференция басталды.

Қаңтар айынның 09-17 аралығын қамтитын дәстүрлі іс-шарада әкімшілік басқару қызметкерлері, кафедра меңгерушілері, профессор-оқытушылар құрамы өздерінің кәсіби шеберліктерін дамытып, білімдерін жетілдіре отырып, тәжірибе алмасатын болады.

Конференция барысында оқытуда жасанды интеллектті пайдалану, оқу-өндірістік және ғылыми зертханалар жағдайында пәнаралық курстар бойынша зертханалық-практикалық жұмыстарды жүргізу әдістемесі, университеттің тұрақты даму аспектісі ретінде білім беру бағдарламаларына ESG-қағидаттарын енгізу, білім беру процесі мен басқаруды цифрлық трансформациялау, студенттермен кері байланысты тиімді ұйымдастыру үшін виртуалды чат-боттарды құру және т.б. тақырыптар қарастырылады.