МИТУ Ғылыми кітапханасында «2025 жыл – Студенттік өзін-өзі басқару жылы» атты кітап көрмесінің ұйымдастырылуы жастарға білім беру және олардың зияткерлік деңгейін арттыру бағытындағы маңызды қадамдардың бірі ретінде бағаланады. Көрмеде жас оқырмандар үшін заманауи әдебиеттер, ғылыми жаңалықтар мен танымдық басылымдар ұсынылады. Сонымен қатар, студенттерді қоғамдық өмірге белсенді араластыру және олардың оқу үрдісіндегі жетістіктерін насихаттау мақсатында түрлі іс-шаралар өткізу жоспарланған. МИТУ-де студенттік өзін-өзі басқару жылының жариялануы білім беру мен жастар саясаты саласындағы тың өзгерістерге жол ашып, болашақ көшбасшыларды тәрбиелеуде маңызды рөл атқарады.