«Тағам өндірісінің техникасы және технологиясы» кафедрасы Алматы қаласының 35 мектебін қамтитын кәсіби бағдар беру жұмыстарын жүргізді. Бұл шаралар аясында кафедра оқытушылары мен студенттері жоғары сынып оқушыларымен кездесіп, оларды азық-түлік технологиясы саласындағы білім мен карьера мүмкіндіктерімен таныстырды. Сонымен қатар, студенттер мен мектеп оқушыларына осы саладағы жұмыс практикалары, еңбек нарығындағы перспективалар мен жұмысқа орналастыру мәселелері түсіндірілді.

Аталған іс-шараның мақсаты – оқушыларға болашақ мамандық таңдауына көмек көрсету, еңбек нарығындағы заманауи талаптар мен үрдістер туралы ақпарат беру, сондай-ақ азық-түлік технологияларының еліміздің экономикасындағы маңыздылығын көрсету.

Бұл кәсіби бағдар беру жұмыстары білім беру процесін нақты өндіріс қажеттіліктерімен байланыстыруға, азық-түлік өндірісі саласына қызығушылықты арттыруға және осы саладағы мамандықтарға деген сұранысты арттыруға бағытталған.