Халықаралық инженерлік-технологиялық университет «АлматыЭнергоСбыт», “IFC COLOS” және «Ақсай нан-тоқаш комбинатымен» ынтымақтастық туралы келісімге қол қойды.

Келісімнің мақсаты – энергетика, цифрлық технологиялар, басқару және өнеркәсіптік өндіріс салалары бойынша білікті мамандар даярлау. Ынтымақтастық аясында студенттер кәсіпорындар базасында тәжірибеден өтіп, жетекші мамандардың дәрістеріне қатысып, өндірістік экскурсияларға қатысуға мүмкіндік алады.

«АлматыЭнергоСбыт» энергетикалық жабдықтау саласындағы құзыреттерді дамытуға көмектеседі, “IFC COLOS” заманауи технологияларға қол жеткізуді қамтамасыз етеді, ал «Ақсай нан-тоқаш комбинаты» азық-түлік өнеркәсібінің тәжірибелік қырларын оқып-үйрену алаңы болады.

Бұл серіктестік білім, ғылым және өндірісті біріктіріп, студенттердің кәсіби өсуі мен салалардың дамуына жаңа мүмкіндіктер ашады.