2025 жылғы 9-18 қаңтар аралығында Алматы қаласында қысқы мектеп-2025 аясында «Инженерлік білім беру сапасын арттыру контекстіндегі оқыту модельдері мен әдістері» конференциясының фонында оқытушылар мен қызметкерлер арасында Спартакиада өтті.

2025 жылғы 9 қаңтарда волейбол жарыстарына «Экономика және бизнес» кафедрасының оқытушысы Нұрбекова Шынар Құрмашқызы қатысып, командалық рух пен спорттық төзімділікті көрсетті.

2025 жылғы 10 қаңтарда үстел теннисі турниріне «Экономика және бизнес» кафедрасының меңгерушісі Дильдебаева Жұлдыз Тұрсынқызы, сондай-ақ кафедра оқытушылары Нұрбекова Шынар Құрмашқызы мен Доскаранова Асия Мұратқызы белсене қатысты. Жарыстар достық бәсекелестік рухында өтіп, қысқы мектептің жарқын бөлігіне айналды.

Спартакиада тек спорттық іс-шара ғана емес, сондай-ақ университет ұжымының бірлігінің үлгісі болды, ынтымақтастық пен білім алмасу атмосферасын нығайтты.