2025 жылдың 23 қаңтарында Жастар ұйымдары комитетіне жаңа мүшелерді іріктеу процесі сәтті жүргізілді. Бұл бастама жастар арасындағы көшбасшылық қабілеттерді дамыту, жаңа идеяларды жүзеге асыру және қоғамға қызмет етуге деген ынтаны арттыру мақсатында қолға алынды. Комитеттің жаңа құрамын қалыптастыру жолында студенттер өздерінің белсенділігін, жауапкершілігін және жаңашылдыққа деген құштарлығын көрсетті.

Іріктеудің барлық кезеңдерінен өтіп, өздерінің көшбасшылық қабілеттерін, жауапкершіліктерін және жаңа идеяларға деген талпыныстарын көрсеткен студенттер Жастар ұйымдары комитетінің жаңа құрамына алынбақ. Әрбір үміткер өзіне артылған міндетті орындауға дайын екендігін білдіріп, жаңа жобалар мен бастамаларды іске асыруға дайын екенін атап өтті. Бұл қадам жастардың қоғамдағы рөлін нығайтып, жастар ұйымдарының жұмысын жаңа деңгейге көтеруге мүмкіндік береді.

Жаңа мүшелердің қабылдануы - университеттің жастар саясатының дамуы мен студенттік өзін-өзі басқарудың жетілдірілуінің бір айғағы. Жастар ұйымдары комитеті жаңа құрамымен бірге маңызды жобаларды жүзеге асырып, студенттердің мүдделерін қорғап, олардың қоғамдағы белсенділігін арттыруға бағытталған жұмыстарды жалғастыратын болады. Бұл кезең жастардың бірлесіп жұмыс істеп, болашақта үлкен жетістіктерге жету жолындағы алғашқы қадамы болып табылады.