2025 жыл METU-да Студенттік өзін-өзі басқару жылы болып жарияланды, оның басты мақсаты – студенттерге білім беру және ғылыми бастамаларды өз бетінше ұйымдастыру мүмкіндігін кеңейту. Осындай іс-шаралардың бірі – «Ғылыми жаңалықтар және этика» тақырыбында «Әлеуметтік-гуманитарлық пәндер және әлем тілдері» кафедрасының орыс тілі сабағында бірінші курс студенттері ұйымдастырған баспасөз конференциясы болды.

Студенттер іс-шараны өздерінің бастамаларымен дайындап, ұйымдастырып, модератор және баяндамашы рөлдерін атқарды. Пікірталас барысында ғалымдардың жауапкершілігі, технологиялық прогрестің моральдық аспектілері, сондай-ақ инновациялардың қоғамға әсері сияқты маңызды мәселелер қаралды. Әсіресе, биоэтика, жасанды интеллект және экологиялық мәселелерге ерекше назар аударылды.

Баспасөз конференциясы өзекті ғылыми тақырыптарды талқылауға арналған алаң ғана емес, сонымен қатар студенттік өзін-өзі басқарудың елеулі де табысты мысалы болды. Сағатбек Мейрамбек, Ержанқызы Аяулым, Абдирова Дильназ, Ағатджан Акбота, Қасымова Майра, Жарасов Жансен және т.б. студенттердің бастамасының арқасында іс-шара жоғары деңгейде ұйымдастырылып, мазмұнды талқылаумен ерекшеленді.

Студенттерге университет оқытушылары – ф.ғ.к., қауымдастырылған профессор Жаңыл Әубәкірқызы Тукебаева және п.ғ.к., қауымдастырылған профессор Анар Сисенбайқызы Сисенбаева қолдау көрсетті. Олар тек талқыланған тақырыптардың өзектілігін ғана емес, сонымен қатар студенттердің білім беру процесіне белсенді қатысуын, олардың өзін-өзі дамытуға ұмтылысын және оқу бастамаларын өз бетінше басқару қабілетін атап өтті.

METU-дағы студенттік өзін-өзі басқару жылы – бұл жай ғана ұран емес, сонымен қатар студенттердің көшбасшы, ұйымдастырушы және болашақтың жауапты маманы ретінде қалыптасуына нақты мүмкіндік. Бірінші курс студенттерінің баспасөз конференциясы осы бағыттағы алғашқы қадам болды, студенттік белсенділіктің университет өмірінде маңызды рөл атқаратынын көрсетті.