2025 жылғы 25 ақпанда «Биохимиялық инженерия» кафедрасында шақырылған профессор – техника ғылымдарының докторы, профессор, Оңтүстік-Урал мемлекеттік университетінің (Челябі қ., РФ) «Азық-түлік биотехнологиялары» кафедрасының меңгерушісі Ирина Юрьевна Потороко дәріс оқыды.

Студенттерге, магистранттар мен докторанттарға биотехнология және биоинженерия саласындағы перспективалық бағыттар жөнінде дәріс ұсынылды.

Биотехнологияның негізі – генетикалық инженерия және биохимия. Бүгінде клеткалық инженерияның дамуы ең перспективалы бағыттардың бірі болып саналады.

Биотехнологияның негізгі даму бағыттарына мыналар жатады:

• жаңа тағам өнімдері мен жануарларға арналған жем түрлерін жасау;

• пайдалы микроорганизмдердің жаңа штаммдарын шығару;

• жаңа жануар тұқымдарын шығару;

• жаңа өсімдік сорттарын шығару;

• өсімдіктерді аурулар мен зиянкестерден қорғауға арналған препараттарды жасау және қолдану;

• қоршаған ортаны қорғауға арналған жаңа биотехнологиялық әдістерді пайдалану және т.б.