10-15 наурыз аралығында Халықаралық инженерлік-технологиялық университетінде (METU) Глазго университетінің (Ұлыбритания) Adam Smith Business School жоғары оқу орнының аға оқытушысы және MBA-MSc Euro-Asian бағдарламасының директоры Ramona Blanes-тің оффлайн-дәрісі өтуде.

"Қаржы технологиялары және олардың саланы дамытуға әсері" тақырыбындағы дәріс экономика кафедрасының студенттерінің үлкен қызығушылығын тудырды. Олар FinTech саласындағы заманауи үрдістерді тереңірек түсінуге мүмкіндік алуда.

Дәріс барысында Ramona Blanes қаржы технологияларын дамытудың негізгі аспектілерін қарастырады, соның ішінде:

• FinTech-тің тарихи аспектілері – қаржы қызметтері мен технологияларының эволюциясы дәстүрлі қаржы институттарына қалай әсер еткені.
• FinTech-ті енгізудің факторлары мен қиындықтары – инновациялық қаржы шешімдерінің таралуына әсер ететін негізгі қозғаушы күштер мен кедергілер.
• FinTech бизнес модельдері – қаржы технологиялары индустриясындағы әртүрлі тәсілдерді салыстырмалы талдау.
• Қолданыстағы FinTech шешімдерінің тиімділігі – заманауи FinTech өнімдерінің нақты қаржылық қажеттіліктерді қалай шешетіні.

Дәрістің мақсаты – студенттерге қаржы технологияларының экономикадағы рөлі мен тұрақты даму үдерісіне қосатын үлесі туралы терең білім беру.

Оффлайн формат студенттерге белсенді түрде сұхбаттасуға, сұрақтар қоюға және бағалы білім алуға мүмкіндік береді. Осындай іс-шаралар METU студенттерінің аналитикалық ойлау қабілетін дамытуға және қаржы технологияларының қарқынды дамып келе жатқан саласында табысты мансапқа дайындалуға көмектеседі.