2025 жылғы 27 наурызда Халықаралық инженерлік-технологиялық университетінде (МИТУ) «Микро-макроэкономика» пәні бойынша «Макроэкономикалық тепе-теңдікті анықтаудың классикалық тәсілі» тақырыбында ашық сабақ өтті.

Сабақты Тлеужанова Манатжан Ашимқұлқызы – профессор, экономика ғылымдарының кандидаты, «Экономика және бизнес» кафедрасының оқытушысы жүргізді.

Ашық сабақтың мақсаты – жиынтық сұраныс (AD) және жиынтық ұсыныс (AS) моделінің теориялық негіздерін, олардың өзара әрекеттесуін және макроэкономикалық тепе-теңдікке әсерін зерттеу, сондай-ақ макроэкономикалық көрсеткіштердің өзгеруін талдау дағдыларын дамыту.

Профессор Тлеужанова Манатжан Ашимқұлқызы негізгі теориялық білімдермен бөлісіп, макроэкономиканы оқытудағы авторлық әдістемелік тәсілдерін таныстырды. Бұл студенттердің тақырыпты тереңірек меңгеруіне мүмкіндік беріп, сондай-ақ қатысқан оқытушылар үшін де пайдалы тәжірибе болды. Олар оқыту әдістерінің тиімділігімен танысып, студенттерді аналитикалық пікірталасқа тарту жолдарын меңгерді.