"Бағдарламалық инженерия" кафедрасында «Ғылым 2025: Жастар энергиясы» атты ғылыми-тәжірибелік конференция аясында «Бағдарламалық инженерия және интеллектуалды есептеулер» тақырыбында секциялық отырыс өтті.

Іс-шараға кафедраның әртүрлі курс студенттері қатысып, бағдарламалық инженерия, интеллектуалды жүйелерді әзірлеу, машиналық оқыту, деректерді талдау және IT саласындағы өзекті мәселелер бойынша баяндамалар жасады. Қатысушылар қазіргі технологияларды қолдана отырып, практикалық мәселелерді шешуге қызығушылықтары мен дайындық деңгейлерінің жоғары екенін көрсетті.

Секция пікірталасқа толы, белсенді әрі мазмұнды жағдайда өтті. Тыңдаушылар мен ғылыми жетекшілер баяндамалардан кейін сұрақтар қойып, ұсыныстар білдірді. Ұсынылған жұмыстар тақырыптық жағынан алуан түрлі және терең зерттелген, бұл кафедра студенттерінің ғылыми әлеуетінің артып келе жатқанын көрсетті.

Секция соңында Бағдарламалық инженерия кафедрасының меңгерушісі Сарсембаев М.С. барлық қатысушыларға алғысын білдіріп, сертификаттар табыстады. Ол мұндай іс-шаралардың болашақ мамандардың кәсіби және ғылыми-зерттеу құзыреттерін дамытудағы маңыздылығын атап өтті.