2025 жылдың 17 сәуір күні Халықаралық инженерлік-технологиялық университетінде Ұлы Жеңістің 80 жылдығына арналған маңызды патриоттық кездесу өтті. «Ұлы Жеңіске 80 жыл: ерлік сабағы және жастарды патриоттық рухта тәрбиелеу» атты іс-шараға студенттер, оқытушылар, эдвайзерлер мен құрметті қонақтар қатысты.

Кездесу барысында қатысушылар Ұлы Отан соғысының қаһармандарын еске алып, тарихи маңызы зор оқиғаларды еске түсіріп, қазіргі қоғамдағы патриоттық тәрбиенің рөлі туралы пікір алмасты. Ерекше назар жастардың белсенді азаматтық ұстанымына аударылды.

Іс-шараға «Тағам өндірісінің техникасы және технологиясы» кафедрасы белсенді қатысып, студенттері мен эдвайзерлері жоғары деңгейдегі белсенділік пен жауапкершілік көрсетті. Жастарды патриоттық рухта тәрбиелеуге қосқан зор үлестері үшін кафедра эдвайзерлері - Даулетханқызы Арайлым және Таутаева Асель Талгаткызы жастарды патриоттық тәрбиелеуге қосқан үлесі үшін медальдарымен марапатталды. Бұл марапат эдвайзерлердің студенттер бойында Отанға деген сүйіспеншілік, тарихқа құрмет пен ата-баба ерлігіне деген мақтаныш сезімін қалыптастыруға бағытталған еңбектерінің лайықты бағасы болды.

Бұл патриоттық кездесу университет өміріндегі маңызды оқиғалардың бірі болып, барлық қатысушыларды мәңгілік құндылықтар – жады, алғыс және келер ұрпақ алдындағы жауапкершілікке біріктірді.