2025 жылғы 25 сәуірде Халықаралық инженерлік-технологиялық университетінде (ХИТУ) 10–11-сынып оқушыларына арналған "Open Day" ашық есік күні өтті.

Іс-шара аясында "Инженериядағы Smart технологиялар" кафедрасы жоғары технологиялар саласында сұранысқа ие мамандарды даярлауға бағытталған білім беру бағдарламаларын таныстырды. Оқушылар мен олардың ата-аналары келесі білім беру бағыттарымен танысты:

• "Радиотехника, электроника және телекоммуникациялар",
• "Автоматтандыру және басқару",
• "Электр энергетикасындағы ақпараттық технологиялар".

Қонақтар университет зертханаларын аралап, кафедра меңгерушілері мен оқытушыларынан кеңес алды, кафедра оқытушылары оқу бағдарламаларының мазмұны, тәжірибелік дайындық мүмкіндіктері, түлектердің жұмысқа орналасу перспективалары және студенттік өмір ерекшеліктері туралы жан-жақты ақпарат ұсынды. Іс-шараға қатысушылар өздерін қызықтырған сұрақтарын қойып, қабылдау шарттары бойынша жеке кеңес алды.

2025 жылғы мемлекеттік гранттар конкурсына тіркелу бойынша семинарға қатысты және іс-шараның ойын-сауық бөлімінде бағалы сыйлықтар ұтып алды.

"Open Day" болашақ талапкерлерге университет атмосферасын сезініп, заманауи зертханаларды көріп, ХИТУ ұсынатын білім беру сапасына көз жеткізуге тамаша мүмкіндік болды.