2025 жылғы 26 сәуірде Erasmus+ бағдарламасы аясында әл-Фараби атындағы Қазақ ұлттық университетінің (Алматы қ.) базасында өткен Digital Farabi 2025 халықаралық форумына Халықаралық инженерлік-технологиялық университеті (МИТУ) қатысты.

Форум бағдарламасының басты оқиғаларының бірі – «Болашақтың цифрлық және жасыл құзыреттері: тұрақты және цифрлық экономикаға көшудегі еңбек нарығының бейімделуі» тақырыбындағы воркшоп болды. Іс-шара қатысушылар арасында үлкен қызығушылық тудырып, пікір алмасуға арналған тиімді платформаға айналды.

Воркшопқа жобаның үйлестірушісі Даниэла Цирич Лалич және академиялық әрі кәсіби қауымдастық өкілдері қатысты. Қатысушылар еңбек нарығының жаһандық өзгерістеріне бейімделу үшін қажетті цифрлық және экологиялық тұрақты дағдыларды дамыту мәселелерін талқылады.

МИТУ халықаралық білім беру және зерттеу бастамаларына үнемі белсенді қатысып келеді. Университет жаһандық серіктестік байланыстарды кеңейту, академиялық ынтымақтастық пен тұрақты дамудың мақсаттарын ілгерілету бағытында әрдайым ашық.