Құрметті талапкерлер мен студенттер!
2025–2026 оқу жылына арналған мемлекеттік білім гранттарының нәтижелері жарияланды. Бұл қуанышты сәт – сіздердің еңбектеріңіздің, табандылықтарыңыздың және білімге деген құштарлықтарыңыздың жемісі.
Грант иегері атану – тек мәртебе ғана емес, үлкен жауапкершілік. Бұл – болашаққа жолдама, жаңа мүмкіндіктер мен биік белестерге бастайтын қадам.
Университетіміз Сіздерге сапалы білім, тәжірибе және өзін-өзі дамытуға барынша жағдай жасайды. Алдағы студенттік өмір қызықты жобаларға, жаңа достықтарға, шығармашылық табыстарға толы боларына сенімдіміз.
Бүгінгі жеңіс – ертеңгі биік шыңдардың бастауы.
Барлық грант иегерлеріне сәттілік, жаңа жетістіктер мен жарқын болашақ тілейміз!
