2025 жылғы 22 қыркүйекте Алматы қаласында «Жоғары білімнің жаңа дәуірінде Қытай–Қазақстан білім беру ынтымақтастығын ілгерілету» атты Қытай–Қазақстан форумы өтті.

Форумды Алматы қаласының Әкімдігі, Қазақстан Республикасы жоғары оқу орындары қауымдастығы және ҚХР Сычуань провинциясының үкіметі ұйымдастырды.

Қытай тарапынан форумға Сычуань провинциясының губернаторы бастаған делегация, жетекші университеттердің ректорлары, білім беру, халықаралық ынтымақтастық және алмасу департаменттерінің басшылары қатысты. Форум «Сычуань–Алматы университеттер альянсы» аясындағы екіжақты ынтымақтастықты кеңейту мен тереңдетуге, сондай-ақ Қазақстан мен Қытай университеттері арасындағы халықаралық әріптестік пен академиялық алмасуды дамытуға бағытталды.

Халықаралық инженерлік-технологиялық университеті (METU) атынан форумға Халықаралық ынтымақтастық департаментінің директоры Қарлығаш Нұрланқызы Шохаева университеттің профессор-оқытушылар құрамымен бірге қатысты.

Бұл іс-шараға қатысу бірегей мүмкіндік берді:

• жаңа кәсіби байланыстар орнатуға,

• жоғары білімді дамытудағы өзекті мәселелер мен перспективаларды талқылауға,

• Қытайдың жетекші университеттерімен үздік тәжірибемен алмасуға.

METU Қазақстан мен Қытай арасындағы білім беру ынтымақтастығын нығайтуға үлес қосып, стратегиялық халықаралық әріптестіктерді белсенді дамытуды жалғастыруда.