2025 жылғы 29 қыркүйекте Алматы қаласындағы Best Western Plus Atakent қонақ үйінде студенттер мен жас мамандарға арналған FutureToday Career Forum мансаптық іс-шарасы өтті.

Форумға Procter & Gamble, PepsiCo, EY, JTI, Antal, 1С, УРАЛХИМ, Skoltech, РЭШ және басқа да жетекші компаниялар қатысты.

Бағдарлама аясында сарапшылардың баяндамалары, мастер-кластар, интерактивті сессиялар, сондай-ақ квесттер мен сыйлықтар ұтыстары ұйымдастырылды. Қатысушылар жұмыс берушілермен тікелей байланыс орнатып, тағылымдама мен жұмыс орындарына өтінім беріп, мансапты жоспарлауға байланысты пайдалы кеңестер алды.

Форумға "Тағам өндірістерінің технологиясы және инжинирингі" білім беру бағдарламасының студенттері аға оқытушы Таутаева А.Т. жетекшілігімен қатысты.

Мұндай іс-шараларға қатысу студенттерге кәсіби көкжиектерін кеңейтуге, маңызды байланыстар орнатуға және таңдаған саласында сенімді түрде алға басуға көмектеседі.