2025 жылғы
22 қыркүйекте Алматы
қаласында «Жоғары білім берудің жаңа дәуіріндегі Қытай–Қазақстан білім
ынтымақтастығын ілгерілету» тақырыбында Қытай–Қазақстан форумы өтті.
Форумды Алматы
қаласының әкімдігі, Қазақстан жоғары оқу орындары қауымдастығы және Қытай
Халық Республикасының Сычуань провинциясының үкіметі ұйымдастырды.
Қытай
тарапынан Сычуань провинциясының губернаторы бастаған делегация, жетекші
университеттердің ректорлары, білім және халықаралық ынтымақтастық
департаменттерінің өкілдері қатысты.
Форумның мақсаты — «Сычуань – Алматы университеттері альянсы» аясында екіжақты
серіктестікті кеңейту және тереңдету, сондай-ақ Қазақстан мен Қытай
университеттері арасындағы халықаралық ынтымақтастық пен академиялық алмасуды
дамыту.
Халықаралық
инженерлік-технологиялық университеті (МИТУ) атынан форумға
«Экономика және бизнес» кафедрасының меңгерушісі Дильдебаева Жұлдыз
Тұрсынқызы
және экономика ғылымдарының докторы, профессор Токсанова Айгүл Нұрпейісқызы
қатысты.
Форумға
қатысу кәсіби байланыстар орнатуға, жоғары білім беруді дамытудың өзекті
мәселелерін талқылауға және Қытайдың жетекші университеттерімен тәжірибе
алмасуға мүмкіндік берді.
MЕTU халықаралық серіктестіктерді дамыта
отырып, Қазақстан мен Қытай арасындағы білім беру ынтымақтастығын нығайтуға
өз үлесін қосуда.
