2025 жылдың 17 қазанында Түркістан қаласында "Жастар саясатын қолдау орталығының" ұйымдастыруымен жоғары білімнің "Bilimdi Keleshek-II" халықаралық көрмесі өтті.

Халықаралық инженерлік-технологиялық университеті (METU) көрмеде өз білім беру бағдарламаларын, ғылыми жобаларын және халықаралық алмасу мүмкіндіктерін таныстырды. Университет өкілдері келушілерге METU-дегі студенттік өмір, серіктестік байланыстар мен оқу артықшылықтары туралы кеңінен баяндады.

Көрме Түркістан қаласында жоғары оқу орындары мен талапкерлер арасындағы байланысты нығайтып, жастардың инженерлік және технологиялық мамандықтарға қызығушылығын арттырды.

Автор: Мусақызы Ж.