2025 жылғы 6 қыркүйекте Халықаралық инженерлік-технологиялық университетінде (METU) «Taza Qala» атты экологиялық акция өтті. Бұл шара университет аумағын таза әрі жайлы ету мақсатында студенттерді, оқытушыларды және қызметкерлерді біріктірді.

Акция барысында қатысушылар университеттің аумағын қоқыстан тазалап, көгалдарды ретке келтіріп, жасыл аймақтарды абаттандырды. Ерекше көңіл гүлзарларға мен жас көшеттерге бөлінді — жаңа өсімдіктер отырғызылып, гүл композициялары жаңартылды. Соның нәтижесінде кампус экологиялық тұрғыдан тартымды әрі жайлы кейіпке енді.

Шара жылы әрі ұйымшыл атмосферада өтті. Ұйымдастырушылардың айтуынша, акция университеттің келбетін жақсартумен қатар, студенттердің қоршаған ортаға деген жауапкершілік сезімін арттырды.

«Біздің кампус — ортақ үйіміз. Оны таза ұстау арқылы біз өзімізге, университетімізге және табиғатқа деген құрметімізді білдіреміз», — деді METU студенттік ұйымының өкілдері.

Университет әкімшілігі акцияға белсенді қатысқан барлық қатысушыларға алғысын білдіріп, мұндай іс-шаралардың жастар арасында экологиялық мәдениетті қалыптастыруда маңызды рөл атқаратынын атап өтті.

«Taza Qala» акциясы METU университетінде оқу ордасын таза, жасыл әрі шабыттандыратын ортаға айналдырудың жарқын үлгісі болды.