МИТУ Ғылыми кітапханасында «Мен оқып жүрген кітап» жобасы аясында жас оқырмандар арасында Айгиз Баймұхаметовтың «Тастамашы, ана!» атты кітабы талқыланды.Кездесу барысында қатысушылар кітаптың негізгі тақырыбы – аналық мейірім, адамгершілік және өмір сынақтарына төзімділік туралы ойларымен бөлісті. Автордың шынайы өмірден алынған оқиғалары оқырмандарға ерекше әсер қалдырды.Шараның мақсаты – жастарды кітап оқуға баулу, рухани құндылықтарды дәріптеу және ата-ана қадірін ұғындыру. Талқылау соңында қатысушылар мұндай әсерлі шығармалар жас ұрпақтың тәрбиесінде маңызды рөл атқаратынын атап өтті.

«Тастамашы, ана!» – жастарды мейірімді, адамгершілікті, ата-анасына құрметпен қарауға тәрбиелейтін, өмірлік сабақ беретін терең мағыналы шығарма.