2025 жылғы 21 қазанда Мәжіліс залында «Мен оқып жүрген кітап» жобасы аясында Айгиз Баймұхатовтың «Тастамашы, ана!» атты шығармасына арналған әдеби кеш өтті. Іс-шараның мақсаты – студенттердің кітап оқуға деген қызығушылығын арттыру, рухани және адамгершілік құндылықтарды дәріптеу болды.

Әдеби кешке РЭТ-24-1к тобының студенттері қатысып, шығарма мазмұны бойынша өз ойларымен бөлісті, автордың көтерген әлеуметтік және моральдық тақырыптарын талқылады. Сондай-ақ студенттер әсерлі көріністер қойып, шығармадан үзінділер оқыды.

Кеш барысында қатысушылар ананың мейірімі, отбасы құндылығы және адамдық борыш туралы терең ой түйіп, әдебиет арқылы рухани тәрбие алудың маңыздылығын сезінді. Іс-шара жылы, әсерлі және мазмұнды форматта өтті.