Халықаралық инженерлік-технологиялық университетінің студенттері «Туран-Астана» университетін дамыту бағдарламасы аясында

(5-стратегиялық бағыт-кәсіпкерлікті және стартап мәдениетін дамыту) ұйымдастырылған «TAU Startup Battle 2025» студенттік стартап-жобалар байқауына қатысты.

Біздің университеттің үш командасы- “StarLine”, “UniVerSE” және “Venture Gate”- өздерінің жарқын әрі бірегей жобаларын ұсынып, креативті ойлау қабілетін, командалық жұмысты және идеяларды шынайы іске асыруға деген ұмтылысын көрсетті.

“StarLine” командасы (Жұмабеков Руслан Юрьевич, ФИН-25-1.1р және Баймуратов Әділет Булатұлы, БТ-25-1Р) «Біз жұлдыздарға қол созбаймыз-біз өзіміз жұлдызға айналамыз» ұранымен өнер көрсетті.

“UniVerSE” командасы (Хлебная Валерия Юрьевна, Цай Евгения Вячеславовна және Қошқарбаева Әнель Ерлановна, 25-MAR-1P)
заманауи міндеттерге шығармашылық көзқараспен әзірленген жобаны ұсынды.

“Venture Gate” командасы (Қадырқұл Диас Русланұлы, БИО-25-1р және Ерік Әбільмансұр, ПИ-25-1.4р) «Қысқа да нұсқа, әрі технологиялық» ұранымен жобасын таныстырды.

Байқау барысында қатысушылар өз стартаптарын әзірлеп, шешімдерін ұсынуды, нарықты талдауды және жобаларын сарапшылар алдында қорғауды үйренді. Мұндай іс-шаралар жастардың кәсіпкерлік ойлауын, көшбасшылық қасиеттерін және коммуникациялық дағдыларын дамытуға ықпал етеді.

Ең қуаныштысы-магистранттар мен бітіруші студенттер арасында жүлделі орындарды дәл біздің бірінші курс студенттері иеленді!

Бұл-табандылықтың, батылдықтың және инновацияға тың көзқарастың айқын дәлелі.

Командалардың менторы-педагогика ғылымдарының кандидаты, қауымдастырылған профессор Сисенбаева Анар Сисенбаевна.

Біздің студенттердің қатысуы-өз қабілеттерін танытудың ғана емес, сонымен қатар болашақ жетістіктерге апарар маңызды қадам болды.
Командаларды шын жүректен құттықтаймыз және оларға жаңа идеялар, шабыт пен табыс тілейміз!